काठमाडौं । नेपाल इन्भेष्टमेन्ट मेगा बैंक (एनआईएमबी)का सञ्चालक समितिका अध्यक्ष पृथ्वीबहादुर पाँडे ४० लाख रुपैयाँ धरौटी बुझाएर रिहा भएका छन् ।
स्मार्ट टेलिकमको धितो लिलामी प्रकरणमा प्रतिवादी बनाइएका पाँडे सोमबार जिल्ला अदालत काठमाडौंमा भएको थुनछेक बहसका लागि उपस्थित भएका थिए । बहसपछि न्यायाधीश नवराज दुलालको इजलासले उनलाई ४० लाख रुपैयाँ धरौटीमा छाड्ने आदेश दिएको हो ।
उनीविरुद्ध संगठित अपराध तथा बैंक तथा वित्तीय संस्थासम्बन्धी कसुरमा मुद्दा दर्ता गरिएको थियो ।
स्मार्ट टेलिकमको धितो लिलामी प्रकरणमा साउन २७ गते पाँडेसहित २२ जनालाई प्रतिवादी बनाएर मुद्दा दायर गरिएको थियो ।
यसअघि सोही प्रकरणमा एनआईएमबी बैंकका प्रमुख कार्यकारी अधिकृत ९सीईओ० ज्योति प्रकाश पाण्डे पनि अदालतको आदेशअनुसार ८० लाख रुपैयाँ धरौटी बुझाएर रिहा भएका थिए ।
