काठमाडौं । नेपाली बजारमा साताको अन्तिम दिन शुक्रबार सुनचाँदीको मूल्यमा भारी गिरावट आएको छ।
शुक्रबार सुनको भाउ तोलामा चार हजार आठ सय र चाँदीको दुई सय ५५ रुपैयाँ घटेको हो।
मूल्य घटेसँगै छापावाला सुनको भाउ प्रतितोला तीन लाख एक हजार रुपैयाँ कायम भएको नेपाल सुनचाँदी महासंघले जनाएको छ। यसअघि बिहीबार सुनको भाउ प्रतितोला तीन लाख पाँच हजार आठ सय रुपैयाँ रहेको थियो।
यता, बिहीबार प्रतितोला चार हजार आठ सय ५५ रुपैयाँमा कारोबार भएको असली चाँदीको भाउ शुक्रबार घटेर चार हजार छ सय रुपैयाँ कायम भएको छ।
